Nijemci najavljuju: Xabi Alonso sljedeći trener Reala

Real Madrid je pronašao nasljednika Carla Ancelottija na klupi Real Madrida, piše Florian Plettenberg novinar njemačkog “Sky Sportsa”.

Real Madrid sprema zamjenu za iskusnog Italijana, a kako stvari stoje našao ju je u liku svog nekadašnjeg igrača Xabija Alonsa.

Alonso je prošle sezone čuda napravio sa Bayerom iz Leverkusena, a ako je vjerovati pisanju Plettenberga samo će do kraja ove sezone ostati na klupi ovog bundesligaša.

Inače, britanski mediji su u prethodnom periodu pisali da uprava Manchester Cityja želi da dovede Baskijca sljedeće sezone kao zamjenu za Pepa Guardiolu, ali sudeći po pisanjima iz Njemačke, on bi radije radio u svojoj domovini – prije svega u svom nekadašnjem klubu Real Madridu.

U kraljevskom klubu su poslije ubjedljivog poraza (0:4) od Barcelone odlučili da je vrijeme da se raziđu sa Ancelottijem, ali da je najbolje da to urade na kraju sezone, jer ne priliči klubu njihovog renomea da smjenjuju trenera usred sezone.