Fudbaleri Čelzija pobijedili su Vulverhempton u gostima rezultatom 4:3 u Liga kupu, ali u centru pažnje je ponovno isključenje za “plavce”.
Vjerovali ili ne, u posljednjih devet utakmica, Čelzi je zaradio čak šest isključenja. Ovaj put crveni karton je dobio povratnik Liam Delap, kojem je ovo bio prvi meč nakon dva mjeseca. Enco Mareska je kritikovao svog napadača zbog glupog prekršaja za drugi žuti karton.
“Apsolutno zasluženo isključenje. Bio je glup faul, mogli smo ga izbjeći, tako da to nije dobro. Nakon žutog kartona rekao sam Delapu sigurno četiri ili pet puta da se smiri i pripazi. Ali, Liam je igrač koji, kada je na terenu, fokusiran je na igru i ponekad nije sposoban da sluša šta mu se govori”, rekao je Mareska.
Inače, podsjetimo, ovo su Čelzijeva isključenja:
Robert Sančez protiv Junajteda, Čaloba protiv Brajtona, Žoao Pedro protiv Benfike u Ligi šampiona, Mareska protiv Liverpula, Malo Gusto protiv Foresta, Delap protiv Vulvsa. Jedine tri utakmice gdje su meč završili sa 11 igrača su protiv Linkolna, Ajaksa u LŠ i Sanderlenda.
Učešće u igrama na sreću je dozvoljeno za lica od 18 godina i starija. Igraj odgovorno!