Meč koji je zamalo obesmislio ovo SP – Čelsi se plasirao do 87. minute, a onda… (Video)

Fudbaleri Čelsija su se plasirali u četvrtfinale Svjetskog klupskog prvenstva.

“Plavci” su u meču osmine finala u Šarloti pobijedili Benfiku rezulatom 4:1 nakon produžetaka.

Ova utakmica će se ipak najviše pamtiti po prekidu u 87. minuti zbog nevremena u okolini Šarlote, a da u gradu kiša nije ni pala. Čelsi je vodio 1:0 i sebe već tada vidio u narednoj fazi, igra se nastavila tek nakon dva sata, Benfika je niotkuda izjednačila, otišlo se u produžetke, a tamo se klub iz Londona “resetovao” i do vrha napunio mrežu protivnika.

Puno je ovdje materijala za brojne kritičare ovog pomalo i na silu nametnutog takmičenja od strane FIFA-e.

Čelsi će se za mjesto u polufinalu boriti sa Palmeirasom, koji je ranije večeras savladao Botafogo sa 1:0.