Jokić: Imali smo 25 izgubljenih lopti, tako ne možemo pobijediti

Denver Nagetsi su zabilježili i treći uzastopni poraz. Nakon Minesote i San Antonija, franšiza iz Kolorada je poražena i od Golden Stejta – 104:118.

Nikola Jokić je odigrao odličnu utakmicu, ubacio je 33 poena uz 12 skokova i devet asistencija, ali je po ko zna koji put ostao bez prave podrške. U nekoliko navrata kamera je uhvatila Jokićevo nezadovoljstvo partijom njegove ekipe.

Nakon meča srpski as je govorio za medije, a prvo je upitan šta se dogodilo nakon prve četvrtine u kojoj je Denver ubacio čak 44 poena.

“Promijenili su ritam utakmice, ali mislim da nije bilo lako ni u prvoj četvrtini. Mi smo samo pogađali i brže dolazili do nekih 50-50 lopti, igrali odbranu i dobro skakali. Nakon toga nismo izgledali organizovano, imali smo 25 izgubljenih lopti i tako ne možemo pobijediti na gostovanju”.

Foto: Grok AI