Rolan Garos se priprema za službeni oproštaj od Rafaela Nadala, koji se prošle jeseni povukao iz tenisa. Rekorder s čak 14 osvojenih titula Kupa musketara prije godinu dana još nije bio spreman za konačno zbogom, ali se nekoliko mjeseci kasnije uvjerio da je njegovoj karijeri došao kraj.
Amelie Morezmo, nekadašnja broj jedan, a sada direktorica pariškog gren slema, na pitanje „TNT sporta“ – hoće li Karlos Alkaras biti novi Nadal – kategorično odgovara:
– Nikada neće biti novog Rafe, kao ni novog Novaka ili novog Rodžera.
Naravno, to ne znači da 22-godišnji Španac neće imati vrhunsku karijeru.
– Alkaras je jedan od mladih igrača koji je već pokazao nevjerovatne kvalitete na terenu, fantastičan duh i mentalnu snagu. Osim toga, fizički je veoma jak. Za svoje godine već je osvojio mnogo gren slemova – hvali Francuskinja branioca titule na Garosu, ističući njegova čak četiri najveća trofeja.
Ali to ne znači da on već ima osiguranu ulogu nasljednika velike trojke.
– Svi želimo vidjeti nekoga ko će poslije ove sjajne generacije trojice velikih šampiona moći krenuti njihovim stopama i osvojiti 20 ili više gren slemova. Mogu li Karlos i Janik to učiniti? Ko ih može naslijediti? Možda niko, jer je to veoma zahtjevno. U svakom slučaju, svi želimo vidjeti ko je za to sposoban.
Foto: Prtsc
Učešće u igrama na sreću je dozvoljeno za lica od 18 godina i starija. Igraj odgovorno!